काठमाडौँ। नेपाल इन्फ्रास्ट्रक्चर बैंक लिमिटेडले नेपाल पुँजीबजार इतिहासकै सबैभन्दा ठूलोे ८ अर्ब रुपैयाँबराबरको साधारण शेयर निष्कासन (आईपीओ) गर्न लागेकाे छ ।

बैंकले यही २ माघदेखि ६ माघसम्म साे परिमाणकाे साधारण शेयर निष्कासनसम्बन्धी सम्पूर्ण कार्य गर्न एनआईबीएल एस क्यापिटल लिमिटेडलाई  बिक्री प्रबन्धकमा नियुक्त गरिसकेकाे छ ।

कुल २० अर्ब चुक्ता पुँजी रहेको यस बैंकको १२ अर्ब संस्थापकहरूबाट चुक्ता भइसकेको छ भने बाँकी रकम साधारण शेयरबाट संकलन हुनेछ ।

हाल पुँजीबजारको अवस्थालाई अध्ययन गर्दा यो आईपीओ निष्कासनका लागि आवेदन दिने सबै आवेदकको हात खाली नहुने अनुमान गरिएको छ । 

नेपाल इन्फ्रास्ट्रक्चर बैंकको स्थापना बैंक तथा वित्तीय संस्था (बीएफआई), जीवन तथा गैरजीवन बीमा कम्पनी, उद्यमीहरू तथा अन्य निजीक्षेत्रका अग्रणी संस्थाका समूह तथा नेपाल सरकारको संयुक्त सहभागितामा भएको हो ।