काठमाडौं । चितवनको भरतपुरमा ४ अर्ब रुपैयाँ लगानीमा सुविधासम्पन्न न्यूटन हस्पिटल सञ्चालनमा आउने भएको छ । अहिले अस्पताल पूर्वाधार निर्माण जारी छ ।‘सुपर स्पेस्यालिटी’ न्युटन हस्पिटलमा ३ सय ५० बेड हुनेछ । अस्पताल ८ तलाको हुने भएको छ । अस्पताल २०८२ पुस (२०२६ जनवरी) देखि सञ्चालनमा ल्याउने तयारी भएको छ । यसअघि गत असारमा सञ्चालनमा ल्याउने तयारी गरिएको थियो ।

अस्पतालमा ऋणभन्दा बढी स्वपुँजी लगानी रहेको छ । अस्पताल बनाउन ४७ प्रतिशत बैंकको ऋण र बाँकी ५३ प्रतिशत संस्थापकको स्वपुँजी (इक्विटी) हुने गरि लगानी संरचना बनाइएको छ । जसमा बैंकको ऋण १ अर्ब ८९ करोड र संस्थापकको इक्विटी लगानी २ अर्ब ११ करोड रुपैयाँ लगानी हुने न्युटन हस्पिटलले जनाएको छ ।

गत कात्तिकसम्म ४३ प्रतिशत वित्तीय प्रगति भएको न्युटनले जनाएको छ । संस्थापकहरुले स्वपुँजीको ६७ प्रतिशत रकम लगानी गरिसकेका छन् । अस्पतालको फाउन्डेसन र स्ट्रक्चरलको काम ८५ प्रतिशत सकिएको छ भने आन्तरिक भागको काम ९० प्रतिशत पुरा भएको छ । सिभिल अन्तर्गतको बन्करको काम सकिएको अस्पतालले जनाएको छ । मेकानिकल, इलेक्ट्रिकल र प्लम्बिङको कामका लागि भेन्डर छान्ने काम भइरहको छ ।

न्यूटन हस्पिटलमा नारायणी सामुदायिक अस्पताल लिमिटेडको २२ प्रतिशत स्वामित्व रहेको छ । दुई दशकदेखि सञ्चालनमा आएको नारायणीमा १ सय ५० बेड छन् । न्यूटनका अध्यक्ष डा. भक्तमानको नेतृत्वमा सात जना सञ्चालक छन् । डा. श्रेष्ठ अन्कोलोजी सर्जन हुन् ।

व्यवस्थापनले निर्माणाधीन न्यूटन र नारायणी अस्पतालाई गाभेर एनपिआई ब्रान्डमा सञ्चालन गर्ने तयारी गरेको छ । एक वर्षमा नारायणीले ४७ करोड २० लाख रुपैयाँ व्यापार गरेको छ । अस्पतालको मार्जिन २४ प्रतिशत छ । व्यापार ३ प्रतिशत मात्र बढेको छ ।

नारायणी सामुदायिक हस्पिटल ऋणमुक्त भएको छ । गत वर्ष नारायणीको अकुपेन्सी रेट ७४ प्रतिशत थियो । संस्थापकले नवलपरासी र गोरखामा पनि अस्पताल निर्माणको तयारी गरेका छन् ।

निर्माणाधीन अस्पताल पूर्व पश्चिम राजमार्गको करिब ८ सय मिटर नजिक छ । प्रस्तावित अस्पतालले सीमावर्ती भारतीय राज्यसँग जोडिएको रणनीतिक स्थान हो । भरतपुर हेटौडा, भरतपुर नवलपरासी, चितवन र बुटबललाई लक्षित गरिएको रणनीतिक स्थान हो ।

न्युटन हस्पिटल सन् २०१८ मा स्थापना भएको हो । साढे ३ सय मध्ये १ सय बेड क्यान्सर रोग उपचारका लागि छुट्याइने भएको छ । अस्पताल भरतपुर महानगरपालिकामा ६ एक्ड जमिनमा निर्माण भइरहेको छ । अस्पताल ३ लाख वर्गमिटरमा फैलिने भएको छ ।

नेपालमा स्वास्थ्य सेवामा निजी लगानी बढ्दो छ । बढ्दो लगानी बाबजुद पनि यो क्षेत्रमा नियामकको कडाइ नियन्त्रण साथ सञ्चालन भइरहेको छ ।तसर्थ, नियामक चुनौतीहरूले निजी स्वास्थ्य सेवा क्षेत्रको लागि महत्त्वपूर्ण जोखिम खडा गरिरहन्छन् ।

स्वास्थ्य सेवा क्षेत्र राजस्व उत्पादनको हिसाबले मात्रै नभई नेपालको सबैभन्दा ठूलो उद्योग हो। यो क्षेत्रले ठूलो रोजगारी सिर्जना गरेको छ । स्वास्थ्य सेवामा अस्पतालहरू, चिकित्सा उपकरणहरू, क्लिनिकल परीक्षणहरू, आउटसोर्सिङ, टेलिमेडिसिन, पर्यटन, स्वास्थ्य बिमा र चिकित्सा उपकर चिकित्सा समावेश छन्।

नेपाली स्वास्थ्य सेवा उद्योगले बलियो वृद्धि अनुभव गरिरहेको छ, कभरेजको विस्तार, परिष्कृत सेवाहरू र सार्वजनिक र निजी दुवैबाट बढेको लगानीद्वारा प्रेरित छ।

किनभने स्वास्थ्य सेवा एक अति संवेदनशील क्षेत्र हो जहाँ कुनै पनि मामला को गलत ह्यान्डलिङवा कुनै पनि डाक्टर वा युनिटका कर्मचारीको लापरवाहीले जनतामा अविश्वास निम्त्याउन सक्छ। यसरी, सबै स्वास्थ्य सेवा प्रदायकहरूले प्रत्येक केसलाई लगनशीलताका साथ अनुगमन गर्न आवश्यक छ र घटनाबाट बच्न उच्च अपरेटिङ मानक कायम राख्नु पर्छ । कुनै पनि अप्रत्याशित घटना जसले अस्पतालको प्रतिष्ठालाई ठूलो हदसम्म क्षति पुर्‍याउन सक्छ।