सुनौलो नेपाल
काठमाडाैं । नेकपाको प्रचण्ड–माधव नेपाल समूहले बालुवाटारमा नागरिक आन्दोलनले गरेको मार्चपासको क्रममा भएको प्रहरी दमनको भर्त्सना गरेको छ ।
नेकपा प्रवक्ता तथा केन्द्रीय संघर्ष समितिका संयोजक नारायणकाजी श्रेष्ठले जारी गरेको विज्ञप्तिमा संविधान र लोकतन्त्रको रक्षाका लागि संघर्षमा उत्रँदा गरिएको दमनले सरकारको अलोकतान्त्रिक एवम् निरंकुश चरित्र उदांगो भएको उल्लेख गरिएको छ ।
बालुवाटार मार्च गर्ने नागरिक अगुवा र अधिकारकर्मीमाथि प्रहरीले लाठी र पानीको पोहोरा हानेको थियो । त्यसबाट सरकारकाे निरंकुश चरित्र उदांगो भएको प्रचण्ड-नेपाल समूहले जनाएको छ ।
प्रतिनिधि सभा विघटनकाे विरोधमा नागरिक अगुवा, कवि, कलाकार, लेखक लगायतका अभियन्ताहरु सोमबारको प्रदर्शनमा सहभागी थिए । प्रदर्शनमा कमलपोखरी बचाउ अभियानका अभियन्ता र अन्य सहभागीहरु भेला भएर कमलपाेखरीकाे माटाे निधारमा लगाएर संयुक्तरुपमा बालुवाटारतर्फ मार्चपास गरेका थिए । यही क्रममा प्रहरीले उनीहरुमाथि बल प्रयाेग गर्नुका साथै पानीकाे फोहाेरा हानेकाे थियाे ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
