बागी ४ मा टाइगर श्राफको जोडि सारा

सुनौलो नेपाल
बिहिबार, २९ माघ २०७७

2.9K

बलिउड अभिनेता टाइगर श्राफ नयाँ फिल्म बागी – ४ मा अनुबन्धित भएका छन् । बागीको तेस्रो शृंखलाको सफलता पछि बागी–४ बनाउने घोषणा निमार्ण पक्षले गरेको थियो ।

यो फिल्ममा टाइगरको हिरोइनको भुमिकामा सारा अली खान अनुबन्धित भएकी छिन् । यस फिल्ममा दिशा पटानीलाई नायिकाको भुमिकामा राखिने चर्चा समेत निकैँ चुलिएको थियो तर फिल्मका निर्माता साजिद नाडियाडवालाको नजरमा सारा अली खान परेकि हुन् ।

सारा र टाईगरकोले यस फिल्मबाट पहिलो पटक एक साथ काम गर्ने मौँका पाएको हो । साजिदले सारालाई हिरोपन्ती २ मा राखन नसकेपछि बागी ४ मा उनलाई अनुबन्धित गरेको बताएका छन् । यसअधि सारा र टाईगरलाई फिल्म हिरोपन्ती २ मा सँगै काम गर्ने भनिएता पनि सो फिल्ममा पछि अकैँ नायिका राखिएको थियो ।

यता अभिनेत्री सारा आफू बागी–४ का लागि निकै उत्साहित रहेको बताएकी छिन् । यस फिल्मको पहिलो शृंखला २०१६ मा बनेको थियो । बागी पपुलर भएपछि अभिनेता टाइगरकै अभिनयमा फिल्म बागी–२ र बागी–३ निर्माण गरिएको थियो । एजेन्सी