काठमाडौँ । निर्देशक दिवाकर भट्टराईले निर्देशन गर्ने लागेको नेपाली फिल्म ‘तिमीसँगै हुने मन छ’बाट मुम्बईका रोहित सुचान्तीले डेब्यू गर्ने भएका छन् ।
रोहित ‘तुने प्यार क्या किया’ र ‘रिश्ता लिखंगे हम नयाँ’ लगायत आधा दर्जन टेलिसिरियलमा लिड रोलको भुमिकामा अभिन्य गरेका छन् । उनले रियालिटी शो बिग बोस १२ मा समेत सहभागीता जनाएका थिए ।
‘तिमीसँगै हुने मन छ’मा हिरोइनको रुपमा अभिनेत्री दीपिका प्रसाईं अनुबन्धित भइसकेकी छिन् । यस फिल्मको छायांकन चैतको पहिलो साताबाट सूरु हने भएको छ ।
ओम नम शिवाय प्रोडक्सनको ब्यानरमा निर्माण हुने यस सिनेमा माया, प्रेमका कथामा आधारित हुनेछ । यो फिल्ममा सम्पूर्ण टेक्निकल टिम बलिउडबाट झिकाईने समेत बताईएको छ ।