सुनौलो नेपाल
काठमाडौं । प्रमुख प्रतिपक्षी नेपाली कांग्रेसले नेपाल कम्युनिस्ट पार्टी (नेकपा) विवादको अन्तिम टुंगो नलाग्दासम्म कुनै पक्षसँग सहकार्य नगरी पर्ख र हेरको स्थितिमा बस्ने निर्णय गरेको छ ।
सभापति शेरबहादुर देउवाको निवासमा पदाधिकारी र पूर्व पदाधिकारीहरुको बैठक बसी संसद पुनर्स्थापना भएपछि उत्पन्न राजनीतिक वातावरणबारे छलफल भएको थियो । बैठकमा नेकपाको दुबै पक्षबाट सहकार्यको प्रस्ताव आएको बेला कसरी अगाडि बढ्ने भन्ने विषयमा बहस भएको थियो ।
‘नेकपामा विवाद रहेको तर आधिकारीक रुपमा फुटिनसकेको अवस्था छ । नेकपाको संसदीय दलको नेता पनि केपी ओली नै रहेकाले नेकपा विवादको वैधानिक रुपमा टुङ्गो लागेपछिमात्रै कांग्रेसले निर्णय लिन्छ’, एक नेताले बताए ।
बिहीबारको छलफलमा अधिकांश नेताहरुले कांग्रेसलाई सरकारमा जाने म्यान्डेट जनताले नदिएकाले अहिले प्रतिपक्षमा नै बस्नुपर्ने धारणा राखेका थिए । नेकपा विभाजन भएर सरकार बन्नै नसक्ने अवस्था आए मात्र यसबारे पार्टीमा छलफल गर्नु उपयुक्त हुने उनीहरुको भनाई थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
