काठमाडौं । नेकपाकी प्रतिनिधिसभा सदस्य गंगा चौधरीले सामाजिक सञ्जालमा आफू प्रचण्ड–माधव पक्ष छाडेर ओली पक्षमा लागेको भनेर हल्ला फैलाइएको बताएकी छन् । 

मंगलबार सञ्चार माध्यममा गंगा चौधरी प्रचण्ड–माधव पक्ष छाडेर ओली पक्षमा लागेको भनेर समाचारहरु आएको विषयमा सुनौलो नेपालसँग प्रतिक्रिया दिँदै उनले भनिन्, ‘ यो गलत र भ्रामक प्रचार हो । कसैलाई भ्रम पर्नु हुँदैन । ’ 

उनले आफू एकताको पक्षमा रहेको र कुनै पक्षमा नभएको स्पष्ट समेत पारेकी छन् । उनले भनिन्, ‘म कतै छैन, पार्टी एकताकै लाइनमा छु । सदनभित्रपनि मेरो भूमीका त्यही रहन्छ ।’  

मंगलबार सामाजिक सञ्जालमा चौधरी प्रचण्ड–माधव पक्ष छाडेर ओली पक्षमा लागेको भनेर ब्यापक रुपमा टिकाटिप्पणीहरु आएका थिए । 

हेर्नुहोस् सांसद चौधरीसंग सुनौलो नेपालमा गरिएको कुराकानी