काठमाडौं।  लुम्बिनी प्रदेशका मुख्यमन्त्री शंकर पोखरेलविरुद्ध अविश्वासको प्रस्ताव दर्ता भएको छ। 

नेपाली कांग्रेस, माओवादी केन्द्र र जसपाका सांसदहरुले मुख्यमन्त्री पोखरेलविरुद्ध लुम्बिनी प्रदेश सभामा अविश्वासको प्रस्ताव दर्ता गरेका हुन्। 

नयाँ मुख्यमन्त्रीमा माओवादी केन्द्रका कुलप्रसाद केसीलाई प्रस्ताव गरिएको छ ।

अविश्वास प्रस्तावमा कांग्रेसका १९, माओवादी केन्द्रका १७ र जसपाका ५ जनाले हस्ताक्षर गरेका छन्। 

एमालेमा लागेका २ जना सदस्यलाई माओवादीले कारवाही गरेपछि लुम्बिनीमा ८७ प्रदेश सभा सदस्य रहेका छन्। जसमध्ये एमालेका ४१ जना, नेपाली कांग्रेसका १९, माओवादी केन्द्रका १७, जसपाका ६ र राष्ट्रिय जनमोर्चाका १ जना सदस्य रहेका छन्।