काठमाडाैं । दक्षिणी चीनको सेन्जेन शहरस्थित एक ७३ तले भवन अचानक हल्लिएको छ । मंगलबार साँझ उक्त भवन हल्लिएकाे हाे । ९८० फिट उचाइको उक्त भवनमा रहेका मानिसहरूले हल्लिएको महसुस गरेकाे चिनियाँ सञ्चारमाध्यमले जनाएका छन् । भवन हल्लिरहेकाे बेलामा उक्त क्षेत्रमा भूकम्प आएकाे थिएन । 

अचानक भवन हल्लिन थालेपछि यसका बारेमा जाँच सुरु भएकाे छ । मौसमको रिपोर्टअनुसार त्यतिबेला हावा २७ किलोमिटर प्रतिघन्टाको गतिमा थियो । याे हावाकाे गतिले यति ठूलो भवन हल्लाउने क्षमता नराख्ने विज्ञहरुकाे तर्क छ । 

चिनियाँ सरकारी पत्रिका ग्लोबल टाइम्सका अनुसार भवन हल्लिन थालेपछि भवनलाई खाली गराइएको थियो । त्यो भवन २० वर्ष पुरानो हो । सामाजिक सञ्जालमा यस भवनका भिडिओ सेयर भएका छन् । जसमा मानिसहरू दौडिएकाे र भागिरहेकाे देखिन्छ । घटनामा कुनै मानवीय क्षति भने नभएकाे समाचारमा जनाइएकाे छ । 

剛剛中午時分，位於深圳華強北，樓高73層的賽格電子大廈突然搖晃，原因不明也沒地震！樓宇內人群和樓下人群紛紛逃命！ pic.twitter.com/aoixkH6OeY

— 風再起時【香港挺郭后援會3】 (@dZnJUCdo4FlZqgd) May 18, 2021