सुनौलो नेपाल
काठमाडौं । वरिष्ठ नेता माधव कुमार नेपालले आफूहरुमाथि गरिएको कारवाहीको कुनै तुक र औचित्य नभएको बताएका छन् । अध्यक्ष केपी ओलीको यो निर्णय हास्यास्पद भएको बताउँदै उनले भने, ‘जसले देशको संविधान र पार्टीको विधानविपरीत केन्द्रीय कमिटीलाई यत्तिकै विघटन गर्न सक्छ त्यस्तो व्यक्तिको कुनै हैसियत छैन र कारबाही गर्नुको कुनै तुक छैन । ’
नयाँ पत्रिकासँगको अन्तर्वार्तामा उनले विदेशीको इशारामा, विदेशीलाई खुशी पार्नका लागि कम्युनिष्ट पार्टी छिन्नभिन्न बनाएको आरोप पनि अध्यक्ष ओलीमाथि लगाए ।
‘उहाँले खोजेको भनेकै विदेशीहरूको इसारामा कम्युनिस्ट पार्टीलाई छिन्नभिन्न बनाउने हो, विभाजन गर्ने हो । उहाँ पूरै विदेशीहरूको कठपुतली बन्नुभएको छ । त्यही भएर विदेशीहरूको प्रिय पात्र बन्न खोज्नुभएको छ । विदेशीको प्रिय बन्नका लागि कम्युनिस्ट पार्टीलाई बर्बाद पार्न लाग्नुभएको छ । ’ उनले भने ।
सोमबार बालुवाटारमा बसेको स्थायी कमिटी बैठकले झलनाथ खनाल र माधव नेपालसहित एमालेका ११ नेता निष्कासन गर्ने निर्णय गरेको थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
