सुनौलो नेपाल
काठमाडौं । शुक्रबार भएको मन्त्रिपरिषद् पुनर्गठनमा चार वर्ष अघि उपमेयरमा पराजित भएकी रेणुका गुरूङ राज्यमन्त्री भएकी छिन्।
प्रधानमन्त्री ओलीले शुक्रबार गुरूङलाई महिला, बालबालिका तथा ज्येष्ठ नागरिक राज्यमन्त्री नियुक्त गरेका हुन्। उनले शुक्रबार नै पद तथा गोपनीयताको शपथ ग्रहण गरेकी छिन्।
महन्थ ठाकुर पक्षीय जनता समाजवादी पार्टीको सिफारिसमा ओलीले उनलाई राज्यमन्त्री बनाएका हुन्। उनले महिला, बालबालिका तथा ज्येष्ठ नागरिक राज्यमन्त्रीको जिम्मेवारी पाएकी छिन् ।
२०७४ मा भएको स्थानीय तहको निर्वाचनमा काठमाडौंको टोखा नगरपालिकाको उपप्रमुखमा पराजित गुरुङले ९९ मत पाएको निर्वाचन आयोगको तथ्यांकमा उल्लेख छ।
तत्कालीन संघीय समाजवादी फोरम, नेपालबाट उम्मेदवार बनेकी गुरूङ राजनीतिमा लागेको पनि चार वर्षमात्रै भएको छ। फोरमले उनलाई समानुपातिकबाट प्रतिनिधि सभा सदस्य बनाएको थियो ।
जनता समाजवादी पार्टी ९जसपा०मा अध्यक्ष उपेन्द्र यादव पक्षकी गुरुङले पछिल्लो समय अर्का अध्यक्ष महन्थ ठाकुरलाई सघाएकी थिइन्। ठाकुरलाई सघाएपछि उनले मन्त्री पद हात पारेकी हुन्।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
