सुनौलो नेपाल
काठमाडौं । एमाले नेता योगेश भट्टराईले मूल दुई कारणले एमाले एकता जटिल भएको बताएका छन् । बुधबार सामाजिक सञ्जालमार्फत् नेता भट्टराईले एकतामा समस्याको मूल जड मुख्य नेता नै रहेको बताएका हुन् ।
उनले लेखेका छन्, ‘कमरेड केपी ओली आफ्नै पार्टीका वरिष्ठ नेता कमरेड जेएन खनाल र कमरेड माधव नेपालसँग सहकार्य गर्न तयार नहुने तर महन्त ठाकुर र राजेन्द्र महतोसँग सत्ता साझेदारी र अन्य बिषयमा गठबन्धन गर्न तयार हुने ।’
त्यस्तै नेपाल खनाल पक्षको बारेमा उनले लेखेका छन्,‘कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेर बहादुर देउवा, प्रचण्ड र उपेन्द्रसँग सत्ता साझेदारी र अन्य विषयमा गठबन्धन गर्न तयार हुने । कसले, किन र केकालागि गर्दैछ यो सब ?’
यी विषयमा शीर्ष नेताहरुबीच छलफल आवश्यक भएको र साझा निष्कर्षमार्फत एकता बचाउन उनले आग्रह गरेका छन् । एमाले एकता बचाउनका लागि पार्टीका दोस्रो तहका नेताहरु सक्रिय छन्, जसमा योगेश भट्टराई पनि लागिरहेका छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
