सुनौलो नेपाल
एजेन्सी । ‘फ्लाइङ सिख’को उपनामबाट परिचित भारतीय धावक मिल्का सिंहको ९१ वर्षको उमेरमा शुक्रबार राति निधन भएको छ ।
चण्डीगढस्थित अस्पतालमा उपचारका क्रममा शुक्रबार राति साढे ११ बजे उनको निधन भएको हो। उनलाई मे २० तारिखमा कोरोना भाइरसको सङ्क्रमण भएको थियो । यदपी, उनको कोरोना नेगेटिभ भइसकेको थियो । यही साता कोभिडकै कारण उनको श्रीमतीको पनि निधन भएको थियो ।
मिल्खाका ३ छोरी र १ छोरा छन् । सिंह स्वतन्त्र भारतका पहिलो धावक थिए, जसले १९६० मा कमनवेल्थ गेम्समा स्वर्ण पदक जितेका थिए। उनी भारतीय सेनामा पनि थिए। मिल्खाले एसियन गेम्समा ४ स्वर्ण पदक जितेका छन् । उनले १९५८ मा २०० र ४०० मिटर तथा १९६२ मा ४०० र ४ गुणा ४०० मिटर रिलेमा स्वर्ण जितेका थिए ।
मिल्खाको जीवनीमा आधारित रहेर बनेको चलचित्र ‘भाग मिल्खा भाग’ मा फरहान अख्तरले अभिनय गरेका थिए । मिल्खाको निधनप्रति भारतीय प्रधानमन्त्री नरेन्द्र मोदी लगायत नेता, खेलाडी, कलाकार लगायतले दुख व्यक्त गरेका छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
