काठमाडाैं । सन्दीप लामिछाने दोस्रो संस्करणको लंका प्रिमियर लिग (एलपिएल) को ड्राफ्ट सूचिमा परेका छन् । श्रीलंका क्रिकेट बोर्डले आयोजना गर्ने टि २० फ्रेन्चाइज लिगको ड्राफ्टमा सन्दीप पनि अटाएका हुन् ।
दोस्रो संस्करणको लंका प्रिमियर लिग आगमी जुलाई ३० देखि २२ अगष्टसम्म श्रीलंकामा चल्ने छ । डाफ्टको मिति भने श्रीलंका क्रिकेट बोर्डले सार्वजनिक गरेको छैन । गतवर्ष सन्दीपले आफ्नो नाम दर्ता गराएपनि छनोट भएका थिएनन् ।
सन्दीप इंग्ल्यान्डमा हुने द हन्ड्रेड प्रतियोगिता ओभल इन्भीनसिभल्सबाट बाट खेल्ने छन् । द हन्ड्रेड २२ जुलाई देखि अगष्ट २१ सम्म चल्ने छ । सन्दीपको टोलीले लिग चरणको अन्तिम खेल अगष्ट १८ मा खेल्ने कार्यक्रम छ । यो अवस्थामा सन्दीप लंका प्रिमियर लिगमा छनोट भएका खेल्ने सम्भावना भने देखिन्न ।