आइतवार, जेठ २४ गते २०८३
आइतवार, जेठ २४ गते २०८३
आइतवार, जेठ २४ गते २०८३
मंगलवार , फाल्गुण १२, २०८२
काठमाडौं । मेडिकल व्यवसायी दुर्गा प्रसाईँले दायर गरेको बन्दीप्रत्यक्षीकरण रिटमाथि सर्वोच्च अदालतमा सुनुवाइका लागि आज पेसी तोकिएको छ । सुनुवाइ न्यायाधीश मनोजकुमार शर्मा र मेघराज पोखरेलको संयुक्त इजलासमा हुने भएको हो ।
अदालतले सोमबार महान्यायाधिवक्ताको कार्यालयमार्फत सम्बन्धित फाइल झिक्न आदेश दिएको थियो । यसअघि प्रारम्भिक सुनुवाइका क्रममा जिल्ला प्रहरी परिसरले पठाएको लिखित जवाफका आधारमा अदालतले फाइल मगाउन आदेश जारी गरेको हो ।
प्रसाईँको हकमा उमा प्रसाईँले जिल्ला प्रहरी परिसर, भद्रकाली, काठमाडौंलाई विपक्षी बनाएर रिट दायर गरेकी थिइन् । उनी पक्राउ पर्नुअघि फागुन १ गते आफ्नो धरपकड रोक्न अदालतमा रिट दायर गरेकी थिइन् । सो रिटमा सर्वोच्च अदालतले निर्वाचन आयोग र जिल्ला प्रहरी परिसरसँग लिखित जवाफ मागेको थियो ।
दुर्गा प्रसाईँले दायर गरेका दुई वटा रिटलाई एकसाथ राखेर सुनुवाइ भइरहेको छ । यसअघि माघ २३ गते पक्राउ परेकी प्रसाईँ हाजिर जमानीमा रिहा भएकी थिइन् । त्यसबेला उनको निर्वाचनसम्बन्धी अभिव्यक्तिलाई प्रहरीले साइबर ब्यूरोमार्फत अनुसन्धान गरेको थियो ।
प्रसाईँप्रति प्रहरीले फागुन २१ मा हुने निर्वाचन विथोल्ने अभियान सुरु गर्ने आशंकामा पटक–पटक पक्राउ गरेको थियो । माघ ५ गते पनि पोखराबाट पक्राउ परेकी उनले बयान दिइसकेपछि रिहा पाएकी थिइन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस