काठमाडौं । प्रतिनिधि सभा सदस्य निर्वाचनको सुरक्षा सुनिश्चित गर्न खटिएको सेनाले वीरगंजमा आतंक फैलाउने र सम्भावित धार्मिक द्वन्द्व निम्त्याउने योजना बनाएको समूहलाई नियन्त्रणमा लिएको छ ।
चुनावको बेला हिंसा भड्काउने उद्देश्यले सुँगुरको टाउको र सुतली बम बोकेर हिँडेकाहरुलाई प्रहरीले गएराति पक्राउ गरेको हो ।
उपसेनानी विकाश मरहट्टाको कमाण्डमा खटिएको टोलीले राति १२ः३० देखि २ः३० बजेसम्म वीरगंज–१६ छप्कैया चोकमा समूहका सदस्य र बन्दोबस्तीको सामान नियन्त्रणमा लिएर पर्सा प्रहरीलाई बुझाएको छ ।
उनीहरुसँग ठूलोमात्रामा सुतली बम, मोबाइल, पावर बैंक, चार्जर, सेतो रंगको तार र सुंगुरको टाउको बरामद गरिएको छ ।
प्रतिक्रिया दिनुहोस