शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
बिहिवार , चैत्र ५, २०८२
कैलाली । कैलालीको गोदावरी नगरपालिकामा एक युवकले आफ्नै श्रीमतीको गोली हानी हत्या गरेका छन् । गोदावरी नगरपालिका–४ अमलेशैनी गाउँका ३१ वर्षीय रामबहादुर मगरले २८ वर्षीया श्रीमती संजिता मगरको हत्या गरेका हुन् ।
जिल्ला प्रहरी कार्यालय कैलालीका अनुसार बिहीबार जंगलमा बाख्रा चराउन गएको बेला श्रीमान–श्रीमतीबीच विवाद भएको थियो । सोही क्रममा रामबहादुरले आफूसँग रहेको भरुवा बन्दुक प्रयोग गरी श्रीमतीमाथि गोली प्रहार गरेका थिए । गोली लागेकी संजिताको घटनास्थलमै मृत्यु भएको प्रहरीले जनाएको छ ।
श्रीमतीलाई गोली हानेलगत्तै रामबहादुरले सोही बन्दुकबाट आफैंलाई पनि गोली प्रहार गरी आत्महत्याको प्रयास गरेका छन् । जिल्ला प्रहरी कार्यालय कैलालीका निमित्त प्रमुख प्रहरी नायब उपरीक्षक योगेन्द्र तिमिल्सिनाले घटनाको पुष्टि गर्दै भने, सामान्य विवादपछि आवेशमा आएर रामबहादुरले श्रीमतीको हत्या गरेको र त्यसपछि आफैंलाई पनि गोली हानेको प्रारम्भिक अनुसन्धानबाट देखिएको छ।
गोली लागेर गम्भीर घाइते भएका रामबहादुरलाई तत्काल उद्धार गरी धनगढीस्थित सेती प्रादेशिक अस्पताल पुर्याइएको छ। उनको अवस्था गम्भीर रहेको र अस्पतालमा उपचार भइरहेको प्रहरीले जनाएको छ।
प्रहरीले घटनास्थलबाट प्रयोग गरिएको भरुवा बन्दुक नियन्त्रणमा लिएको छ। घटनाको विस्तृत कारणबारे थप अनुसन्धान भइरहेको जिल्ला प्रहरी कार्यालय कैलालीले जनाएको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस