विराटनगर । कोसी राजमार्ग अन्तर्गत विराटनगर भृकुटी चोकनजिक रोकिराखेको मोटरसाइकलमा एक वृद्धको शव फेला परेको छ।
सोमबार राति विराटनगर महानगरपालिका-५ बिजुली अफिस चोकमा को४प २३१६ नम्बरको मोटरसाइकलमा शव भेटिएको वडाध्यक्ष मिनकुमार आचार्यले जानकारी दिए ।
प्रहरीका अनुसार मृत भेटिएका व्यक्ति विराटनगर-५ मुनालपथका ६७ वर्षीय सुदर्शन न्यौपाने हुन् । मोटरसाइकलमा चढेकै अवस्थामा शव फेला परेकोले दुर्घटना हो वा अरू केही हो भन्ने बारे अनुसन्धान भइरहेको प्रहरीले जनाएको छ ।
मृतकले लगाएको पेन्ट च्यातिएको र दाहिने हातमा चोट देखिए छ । शव प्रहरीले पोष्टमार्टमका लागि कोशी अस्पताल विराटनगर पठाएको छ ।