सुनौलो नेपाल
काठमाडौं। गैर कानुनी रुपमा शेयर खरिद बिक्री गरेको आरोप लागेपछि धितोपत्र बोर्डलाई अर्थ मन्त्रालयले स्पष्टीकरण सोधेको छ।
अर्थ मन्त्रालयले बोर्डका अध्यक्ष भिष्मराज ढुंगानाकी छोरीको नाममा सर्वोत्तम सिमेन्टको शेयर रहेको फेला परेपछि स्पष्टीकरण सोधेको हो।
बुक बिल्डिङमार्फत नेपालमै पहिलो पटक सर्वोत्तमले सर्वसाधारणका लागि आइपीओ जारी गर्ने तयारी गरिरहेको छ। यही बेला अध्यक्ष ढुंगानाकी छोरी रेविका ढुंगानाको नाममा सर्वोत्तमको करिब १२ हजार कित्ता सेयर नामसारी भएको फेला परेको छ।
बोर्ड अध्यक्ष ढुंगानाले भित्रभित्रै आफ्नो छोरीको नाममा शेयर किनेर पदको दुरुपयोग गरेको समाचार बाहिरिएको थियो।
सूचना बाहिरिएपछि अर्थ मन्त्रालयले ढुंगानालाई सत्य तथ्य स्पष्ट पार्न तीन दिनको समय दिएर स्पष्टीकरण समेत सोधेको छ।
अर्थ मन्त्रालयले यथार्थ विवरण बुझाउन निर्देशन दिएको मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाले जनाएको छ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
