सुनौलो नेपाल
काठमाडौं । राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले अखिल नेपाल फुटबल संघ (एन्फा) का वरिष्ठ उपाध्यक्ष पंकज विक्रम नेम्वाङ र दुई पत्रकारमाथि छानविन गर्न माग गर्दै निवेदन दिएका छन् ।
प्रशिक्षक अब्दुल्लाहले बिहिबार एन्फा मुख्यालय सातदोवाटोमा पुगेर उपाध्यक्ष पंकज र दुई संचारकर्मीसँगको विवादबारे छानबिन गर्न निवेदन दिएका हुन् । एन्फाका प्रवक्ता किरण राईले प्रशिक्षक अल्मुताइरीले बिहीबार एन्फा आएर निवेदन दर्ता गरेको जानकारी दिए ।
प्रशिक्षक अल्मुताइरीले आइतबार सामाजिक सञ्ंजाल फेसबुकबाट आफुले राजीनामा दिने घोषणा गरेका थिए । अल्मुताइरीले वरिष्ठ उपाध्यक्ष पंकजको कारण आफूले राजीनामा दिन लागेको धारणा सार्वजनिक गरेका थिए । उपाध्यक्ष पंकजले भने आफूमाथि गम्भीर षडयन्त्र गरिएको भन्दै राजनितिक दाउपेचका कारण आफूलाई फुटबलको भिलेन बनाउन खोजिएको बताएका छन् ।
पंकजले सत्य तथ्य छानविन गर्न सोमबार एन्फामा निवेदन दिएका छन् । यस विषयमा छलफल गर्न एन्फाले शुक्रबार दिउँसो एन्फा कार्यसमितिको आपत्कालीन बैठक समेत बोलाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
