काठमाडौं । पछिल्लो २४ घण्टामा थप ६७ हजार ८४ जनामा कोभिड १९ संक्रमण देखिएको छ । पछिल्लो समय भारतमा संक्रमण दर घट्दै गएको छ। यद्यपि, मृत्यु दर भने भारतमा बढिरहेको छ । संक्रमणका कारण थप १ हजार २४१ जनाको मृत्यु भएको छ । यससँगै भारतमा कोरोनाका कारण मृत्यु हुनेको संख्या ५ लाख ६ हजार ५२० पुगेको छ ।
भारतको स्वास्थ्य मन्त्रालयका अनुसार १ लाख ६७ हजार ८८२ जना संक्रमण मुक्त भएका छन् । यससँगै भारतमा कुल सक्रिय संक्रमितको संख्या ७ लाख ९० हजार ७८९ पुगेको छ ।