कात्तिक १४ काठमाडौं – कुटपिट गरि हत्या गर्ने ४ जनालाई स्याङ्जा प्रहरीले पक्राउ गरेको छ। पक्राउ पर्नेमा बर्ष ३३ को टाउके भन्ने इन्द्रजित गुरुङ, बर्ष ३४ को गिरे प्रसाद गुरुङ , बर्ष २४ को किङकङ गुरुङ र बर्ष २८ को सन्तोष गुरुङ रहेका छन्।
गत कात्तिक १० गते राती ११ बजेको समयमा स्याङ्जा पुतलीबजार ६ कोलडाँडामा दाङलिङ गाउँबाट मोटरसाईकलमा हो-हल्ला गर्दै गई रहेका युवाहरूको समूहलाई कोलडाँडामा मादक पदार्थ सेवन गरी बसेका युवाहरूले एक्कासी पछाडीबाट आक्रमण गरेका थिए।
आक्रमणमा दुवै पक्षका युवाहरूले बोत्तल, बासको भाटा, लाठी , ढुङ्गा प्रहार गरी झडपका क्रममा २९ को सूर्य ब.गुरूङ गम्भीर घाइते भएका थिए। घाइते गुरुङको उपचारका क्रममा मणिपाल शिक्षण अस्पताल पोखरामा मृत्यु भएको छ।
मृतकको पोष्टमार्टम गरी परिवारको जिम्मा लगाईएको छ । घटनाबारे थप अनुसन्धान भइरहेको स्याङ्जा प्रहरी प्रमुख एसपी होविन्द्र बोगटीले जानकारी दिए।