काठमाडौं । नेपाल राष्ट्र बैंकका कार्यकारी निर्देशक डा.प्रकाश श्रेष्ठले शेयर धितोकर्जामा रहेको १२ करोडको सीमा कायम राख्ने पक्षमा नभएको बताएका छन् । सोमवार आर्थिक पत्रकार समाजले आयोजना गरेको कार्यक्रममा बोल्दै निर्देशक श्रेष्ठले यस्तो बताएका हुन् ।

उनले चालु आर्थिक वर्षको मौद्रिक नीतिले शेयर धितोकर्जामा कडाई गरेको तर ४/१२ करोडको सीमामा ४ करोड हटाएर १२ मात्रै कायम गरिएको बताए । डा.श्रेष्ठले गत वर्ष राष्ट्र बैंकलाई शेयर धितोकर्जामा ४/१२ भनेर ट्याग नै लागेकाले १२ करोडको सीमा पनि कायम राख्ने पक्षमा नभएको स्पष्ट पारे । उहाँले राष्ट्र बैंकको लागि शेयर मार्जिन ट्रेडिङमा ठूलो समस्या नभएको भन्दै शेयर मार्जिन ट्रेडिङमा विभिन्न स्टुमेण्टहरुको शुरुवात हुनुपर्ने बताए । उनले विधि, सेवनका नियमहरु भए राष्ट्र बैंकलाई निर्देशन जारी समस्या नभएको बताए ।

उनले भने,‘राष्ट्र बैंकले शेयर बजारको लागि बैंकिङ कर्जालाई कडाई गरेको छ । राष्ट्र बैंकले चालु आर्थिक वर्षको मौद्रिक नीतिमा स्पष्ट रुपमा भनेका छौं स्टक बोकरबाट मार्जिन ट्रेडिङ हुन थालेपछि अहिले राष्ट्र बैंकले गरेको युएनक्राई थियो । गत वर्ष राष्ट्र बैंकलाई शेयर धितोकर्जामा ४/१२ भनेर ट्याग नै बसेको छ । अहिले ४ हटेर १२ मात्रै रहेको छ । त्यो पनि राष्ट्र बैंक राखिराख्ने पक्षमा छैनौं । शेयर मार्जिन ट्रेडिङमा विभिन्न स्टुमेण्टहरुको शुरुवात हुनुपर्छ । राष्ट्र बैंकको शेयर मार्जिन ट्रेडिङमा ठूलो समस्या पनि छैन । प्रविधि,सेवनका नियमहरु भए बैंकलाई नियमावली जारी गर्न टाउँको हलुका बनाउने काम हुन्छ । शेयर बजार र बैंक लगानीका स्रोतहरु हुन । शेयर बैंकको कर्जा शुन्य गर्न सकिदैन । बैंकको कर्जा अन्य धेरै क्षेत्रहरुमा आवश्यक छ । शेयर कारोबारको लागि थोरै मात्रै बैंक कर्जा प्रयोग गरिदिए अन्य क्षेत्रलाई बैंक कर्जा उपलब्ध हुने थियो । अहिले उत्पादनका धेरै क्षेत्रहरुलाई कर्जाको खाँचो छ । समग्र पुँजीबजारको विकासको विषयमा राष्ट्र बैंक सकारात्मक रहेको छ ।’

कार्यकारी निर्देशक श्रेष्ठले शेयर कारोबारको लागि बैंकको कर्जा शुन्य गर्न नसकिने बताए । उनले बैंकको कर्जा अन्य धेरै क्षेत्रहरुमा आवश्यक भएकाले शेयर कारोबारको लागि थोरै मात्रै बैंक कर्जा प्रयोग गर्दा अन्य क्षेत्रलाई बैंक कर्जा उपलब्ध गराउन सहज हुने बताए । उनले अहिले उत्पादनका धेरै क्षेत्रहरुलाई कर्जाको खाँचो भएको बताए । डा.श्रेष्ठले समग्र पुँजीबजारको विकासको लागि राष्ट्र बैंक सकारात्मक रहेको बताए ।