सुनौलो नेपाल
काठमाडौं । नेपालीहरुको महान चाड दशै, तिहार जस्ता ठूला चाडपर्व नजिकिएसँगै सुरक्षा निकायहरुले विशेष सुरक्षा योजना सार्वजनिक गर्न थालेका छन् । विभिन्न जिल्लाका जिल्ला प्रहरी कार्यालयले चाडपर्वलाई मध्यनजर गर्दै विशेष योजना सार्वजनिक गर्दै आएका छन् ।
प्रमुख जिल्ला अधिकारी अनिल खनालको प्रमुख आतिथ्यतामा भएको कार्यक्रममा जिल्ला प्रहरी कार्यालय सोलुखुम्बुले पनि विशेष सुरक्षा योजना सार्वजनिक गरेको हो । दशै, तिहार जस्ता ठूला चाडपर्व विशेष सुरक्षा योजना सार्वजनिक गरेको कार्यालयले जनाएको छ ।
नेपाल प्रहरीमा अव्वल छवि बनाउँदै आएका डीएसपी सुनिल जंग शाहको कमाण्डमा रहेको सोलुखुम्बु प्रहरीले शनिवारदेखि नै लागू गर्ने गरी सुरक्षा योजना सार्वजनिक गरेको हो ।
अन्य सुरक्षा संयन्त्रसँग समेत समन्वय गरी चाडपर्वमा अप्रिय घटना हुन नदिन प्रहरी परिचालनको योजना बनाएको छ ।
चाडपर्वमा हुने आपराधिक गतिविधि नियन्त्रण गर्नका लागि गाउँघरसम्मै प्रहरी गस्ती परिचालन गरिने भएको छ । ठाउँ–ठाउँमा सरप्राइज चेकिङको समेत व्यवस्था मिलाइएको सोलु प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
