सुनौलो नेपाल
काठमाडौं । एसीसी इमर्जिङ टिम्स एसिया कप प्रतियोगितामा नेपालले आज पाकिस्तान ‘ए’ खेल्दै छ । समूह ‘बी’ अन्तर्गत कोलम्बो क्रिकेट क्लबको मैदानमा यो खेल बिहान सवा १० बजेबाट सुरु हुनेछ ।
रोहित पौडेलको कप्तानीमा नेपाल मैदान उत्रिदैँ गर्दा पाकिस्तानको कप्तानी सिनियर टोलीबाट सभागी भइसकेका मोहम्मद हरिसले नेतृत्व गर्ने छन्। पाकिस्तानको ‘ए’ टोली भएपनि त्यसमा सिनियर टोलीबाट अनुभव बटुलिसकेका खेलाडीहरु छन् ।
कप्तान हरिसले पाकिस्तानका लागि ५ ओडिआई र ९ टी–२०आई खेलेको अनुभव छ । अनुभव बटुलेको पाकिस्तान विरुद्ध नेपालले आफ्नो परीक्षण गर्नेछ । इमर्जिङ कपको साविक विजेता पाकिस्तान ‘ए’ पहिलो खेल जित निकाल्ने सुरुवात गर्ने दाउमा छ ।
२०१९ मा उपाधि जित्दाका अमद बट र ओमाइर युसुफ अहिले पनि पाकिस्तान ‘ए’ मा छन् । यस्तै, सिनियर टिमबाट खेलिसकेका कमरान घुलाम, मोहमम्द वासिम जुनियर, सइम अयुब, शाहनावज दाहनी र तय्याब ताहिर पनि पाकिस्तान ए टिम रहेका छन् ।
पाकिस्तानको टोलीमा अनुभवी खेलाडी रहेकाले खेल प्रतिस्पर्धात्मक हुने नेपालका कप्तान रोहित पौडेलले बताएका थिए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
