सुनौलो नेपाल
हेटौंडा । घरसहित पहिरोले घर बगाउँदा बेपत्ता भएकामध्ये बुधबार बाबु–छोरीको शव वाग्मती खोलामा भेटिएको छ ।
जिल्ला प्रहरी कार्यालयका प्रवक्ता टेकबहादुर कार्कीका अनुसार मकवानपुर वाग्मती गाउँपालिका—५ सिक्रे दोभानका ६० वर्षीय अक्क्लबहादुर स्याङतान र उनकी २२ वर्षीया छोरी शिला पहरी मृत अवस्थामा हरीहरपुरगढी गाउँपालिका–१ कोकरेस्थित वाग्मती नदीको बगरमा फेला परेको हो ।
अझै अक्कलबहादुरका ज्वाईं जीवन पहरी, ४ वर्षका मिलन र करिब डेढ वर्षीया छोरी दिव्या पहरीसहित तीन जना बेपत्ता छन् । उनीहरूको खोजी कार्य जारी रहेको प्रहरीले जनाएको छ ।
मंगलबार बिहान अक्कलबहादुरको घर पहिरोले बगाएर ७ जना बेपत्ता भएका थिए । अक्कलबहादुरकी पत्नी सन्तमायाको उद्धारपछि उपचारको क्रममा ज्यान गएको छ । पाहुना आएका पासाङ घिसिङको भने मंगलबार नै उद्धार गरिएको थियो । हेटौंडा अस्पतालमा अहिले उनको उपचार भइरहेको प्रहरीले जानकारी दिएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
