सुनौलो नेपाल
डोल्पा । मौसममा सुधार आएसँगै जुफाल विमानस्थलमा हवाई सेवा सुचारु भएको छ । अविरल बर्षाका कारण नेपालगन्ज डोल्पा आउने विमानको आकाशी मार्ग अवरुद्ध भई छब्बीस दिनसम्म हवाई सेवा बन्द भएको थियो ।
मौसममा सुधार आई आकाश खुलेसँगै बुधवार नेपालगन्जबाट डोल्पाको लागि तारा एयरलाइन्सको विमानले एउटा उडान भरेको हो ।
तारा एयरलाइन्सको नेपालगन्ज डोल्पाको टिकट लिनु भएकी डोल्पा त्रिपुरा सुन्दरी नगरपालिका–१ त्रिपुरा कोटकी देवकी उपाध्यायले बल्लबल्ल आकाश खुलेपछि छब्बीस दिनपछि डोल्पामा आउन पाएको बताइन् ।
नेपाल नागरिक उड्डयन प्राधिकरण जुफाल डोल्पाका प्रमुख अमित कुमार चौरासियाले मौसममा सुधार आएपछि उडान भएको तर प्राधिकरणले बिहान ६ बजेपछि दिउसो १२ बजे सम्म मात्र उडान गरिने गरी बनाएको मापदण्डमा फेरबदल नभएको बताए ।
लगातारको बर्षाका कारण देशभरका २९ ओटा विमानस्थलमा हवाई उडानमा कडाइ गरिएको थियो। करिब एक महिना सम्म हवाई उडान नहुँदा बिरामी असक्त र अत्यावश्कीय काममा नेपालगन्ज झर्नु पर्ने कर्मचारी र सर्वसाधारणले सास्ती खेप्नुपरेको थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
