सुनौलो नेपाल
काठमाडौं। काठमाडौं महानगरपालिकाले कालिञ्चोक ट्रेडिङलाई १ लाख ५० हजार रुपैयाँ जरिवाना तिराएको छ। कोकाकोलाको बोतलभित्र अखाद्य वस्तु भेटिएपछि महानगरले जरिवाना तिराएको हो।
पुतलीसडकमा रहेको कालिञ्चोक ट्रेडिङ कोकाकोलाको वितरक हो। महानगरपालिकाका अनुसार २५० मिलिलिटरको सिलबन्दी बिर्को भएको कोकाकोलाको बोतल भित्र अखाद्य वस्तु (सेतो डल्लो) देखिएपछि भृकुटीमण्डपका एक व्यापारीले महानगर प्रहरीमा खबर गरेका थिए।
त्यसलगत्तै महानगर प्रहरी र बजार अनुगमन टोली अनुगमनका लागि गएका पुगेका थिए।
महानगरका कृषि तथा पशुपक्षी विभागका प्रमुख एवं निरीक्षण अधिकृत डा. अवधेश झाले भने, ‘हामीले फोहोर देखिएको बोतलको ब्याच नम्बरमा उत्पादन भएका अरु बोतलहरु हेर्यौ। अन्य ब्याच नम्बरमा उत्पादन भएका बोतल पनि हेर्यौँ। उत्पादक, वितरक र व्यापारीसँग सोधपुछ गर्यौँ। यसमा वितरकले लापरवाही गरेको अवस्था अवगत भएपछि वितरकलाई कारबाही गरेका हौँ।’
महानगरले बजार अनुगमनमा क्रममा अहिले पानी र दुग्धजन्य उत्पादन, वितरण तथा बिक्रीको बजार हेरिरहेको उनले बताए।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
