काठमाडौं । साँग्रिला हस्पिटालिटी ग्रुपले पोखरामा रहेको होटल साँग्रिला भिलेजको स्तरोन्नती गरिरहेको छ । पहिला चारतारे होटल रहेकोमा लगानी थपेर पाँचतारे बनाइरहेको छ । ग्रुपले २०२३ जुलाइबाट होटलको पुनर्निमाण र रिसोभेसनको काम सुरु गरेको हो । नयाँ होटल सन् २०२५ मार्च अर्थात २०८१ भित्र सम्पन्न गर्ने लक्ष्य रहेको छ ।

ग्रुपले होटलको पुनर्निमाण र रिनोभेनस गरेर पाँचतारे बनाउन १ अर्ब १९ करोड २० लाख रुपैयाँ लगानी गरेको छ । होटलमा बैंकको ८० प्रतिशत ऋण र बाँकी २० प्रतिशत ग्रुपका संस्थापकको स्वपुँजी (इक्विटी) लगानी भएको छ । होटल साँग्रिला भिलेज प्रालिले ९४ करोड ९० लाख रुपैयाँ ऋणको रेटिङ गराएको छ । दीर्घकालिन ऋण लगानी सीमा ९४ करोड ९० लाख र अल्पकालिन ऋण १० करोड रुपैयाँ छ । होटल साँग्रिला भिलेजले ए फोर रेटिङ पाएको छ ।

होटलको प्रतिकोठा लागत १ करोड २० लाख रुपैयाँ छ । प्रारम्भिक वर्षहरूमा यी वर्षहरूमा कम्पनीको तरलता र ऋण सेवा क्षमतामा दबाब पर्ने सम्भावना छ । जसले ऋण कभरेज मेट्रिक्सलाई प्रभाव पार्ने सम्भावना छ ।

चारताले रिसोर्ट साँग्रिलाको ६१ वटा कोठाहरु रहेकोमा पुनर्निमाण र रिनोभेसनपछि १ सय कोठा बन्ने छ ।

सन् १९९३ मा स्थापना भएको होटल साँग्रिला भिलेज १९९६ देखि सञ्चालनमा आएको हो । होटल क्यासिनोसहित पाँचतारे हुने भएको छ । साँग्रिला भिलेजनको व्यवस्थापन युरोपेली चेन होटल इन्टरकन्टिनेन्टल होटल्स ग्रुप (आइएचजी) ले सम्हाल्ने सम्झौता भएको छ । साँग्रिलालाई इन्टरकन्टिनेन्टलले होटल इन्डिगो ब्राण्डमा चलाउने छ । फ्रेंचाइजीले होटलको व्यवसाय विस्तारमा सहयोग पुर्याउने अपेक्षा गरिएको छ ।

होटल साँग्रिला भिलेजमा प्रविनबहादुर पाण्डेको ४८, प्रशिद्धबहादुर पाण्डेको ३०, मयुर इन्टरनेसनल प्रालिको १८ प्रतिशत हिस्सा छ । यस्तै दर्पण पाण्डे र सुमिता पाण्डेको २ २ र मेरी पाण्डेको १ प्रतिशत स्वामित्व छ ।

सन् २०२० सम्म चारतारे होटल साँग्रिला भिलेज सञ्चालनमा थियो । २०२० मा होटलले ८ करोड २० लाख, २०१९ मा १३ करोड, २०१८ १२ करोड २० लाख रुपैयाँ व्यापार गरेको थियो ।

ग्रुपले राजधानीको लाजिम्पाटमा सन् १९७९ देखि २०१९ सम्म पाँचतारे साँग्रिला होटल सञ्चालन गरेको थियो । लाजिम्पाटमा रहेको साँग्रिला होटलको पनि अहिले पुनर्निमाण भइरहेको छ ।

यसैगरी ग्रुपले लस्ट होराइजन सफारी रिसोर्ट एन्ड स्पा निर्माण गरिरहेको छ । रिसोर्टको दोस्रो फेज सन २०२६ डिसेम्बरसम्म सञ्चालनमा ल्याउने योजना छ । रिसोर्टको पहिलो फेज २०२५ को अप्रिलमा ल्याउने योजना रहेको साँग्रिलाले जनाएको छ । रिसोर्ट व्यवस्थापनको जिम्मेवारी आइएचजीले पाएको छ ।

रिसोर्ट इन्टरकन्टिनेन्टल रिसोर्ट चितवन मेघौली ब्राण्डमा सञ्चालन हुने भएको छ ।

लस्ट होराइजनको अनुमानित लागत १ अर्ब २९ करोड ५० लाख रुपैयाँ रहेको छ । साँग्रिलाले पोखराको बेगनासमा पनि लक्जरी रिसोर्ट बनाइरहेको छ । ग्रुपले पोखराको बेगनासमा लक्जरी रिसोर्ट सञ्चालनमा ल्याउने भएको छ । अहिले रिसोर्टको निर्माण भइरहेको छ । सांग्रिलाले १ अर्ब ४९ करोड ५० लाख रुपैयाँ लगानीमा लस्ट होराइजन रिसोर्ट सञ्चानलमा ल्याउन लागेको हो । रिसोर्ट २०२६ डिसेम्बरभित्र सञ्चालनमा ल्याउने तयारी छ ।