सुनौलो नेपाल
भद्रपुर (झापा) । भूमिसुधार तथा मालपोत कार्यालय भद्रपुरले चालु आर्थिक वर्षको ११ महिनामा ७० करोड ९८ लाख १३ हजार आठ सय ९१ रुपैयाँ राजस्व सङ्कलन गरेको छ । ११ हजार आठ सय ६१ थान रजिस्ट्रेसन पारितबाट उक्त आम्दानी भएको हो ।
चालु आवमा जग्गाको कारोबार बढेकाले राजस्व बढेको मालपोत कार्यालयका सूचना अधिकारी राजु दाहालले बताए । “गत आव २०७९/८० को ११ महिनाको तुलनामा चालु आवमा २० करोड ८७ लाख ९३ हजार छ सय १४ रुपैयाँले राजस्व सङ्कलन बढेको छ,” उनले भने । गत आवको सोही अवधिमा ५० करोड एक लाख २० हजार दुई सय ७७ रुपैयाँ राजस्व सङ्कलन भएको थियो ।
चालु आवमा सेवा करबापत छ करोड ८६ लाख ७० हजार दुई सय ८९ रुपैयाँ, रजिष्ट्रेसन दस्तुर ४३ करोड ४३ लाख ७८ हजार तीन सय ५५ रुपैयाँ, छुटबापत पाँच करोड ७० लाख ६३ हजार सात सय ४५ रुपैयाँ, डोर सुविधा शुल्क एक लाख ६५ हजार रुपैयाँ सङ्कलन भएको छ ।
पूँजीगत लाभकर २६ करोड ३५ लाख ५५ हजार तीन सय ८५ रुपैयाँ र विलम्ब शुल्कबापत एक लाख आठ हजार छ सय छ रुपैयाँ राजस्व सङ्कलन गरिएको सूचना अधिकरी दाहालले जानकारी दिए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
