रोम ,एएनआई । संयुक्त राष्ट्र सङ्घको खाद्य तथा कृषि संगठन (एफएओ) ले सन् २०२४ मा विश्वव्यापी खाद्यान्न उत्पादनको आफ्नो पूर्वानुमान अद्यावधिक गरेको छ । यो वर्ष खाद्यन्न उत्पादन बढेर २ अर्ब ८५ करोड ४० लाख टन पुग्ने प्रक्षेपण सार्वंजनिक गरेको छ । यो सर्वकालिक उच्च हो ।

एफएओले सार्वजनिक गरेको अनाज आपूर्ति र मागअनुसार अर्जेन्टिना र ब्राजिलका साथै टर्की र युक्रेनमा मकै उत्पादन राम्रो हुने देखिएको छ । जसले इन्डोनेसिया, पाकिस्तान र धेरै दक्षिणी अफ्रिकी देशहरूका लागि डाउनग्रेडलाई अफसेट गर्नेछ ।

गहुँ उत्पादनको पूर्वानुमान पनि एसियामा, विशेष गरी पाकिस्तानमा राम्रो सम्भावनाको आधारमा उठाइएको छ । जसले मौसमको सुरुमा प्रमुख गहुँ उत्पादन गर्ने क्षेत्रहरूमा खराब मौसमका कारण रूसी सङ्घमा अपेक्षित गिरावटलाई पछाडि पार्नेछ ।

यसै गरी विश्वव्यापी धान उत्पादन ५३ करोड ५१ लाख टन पुग्ने अनुमान गरिएको छ । सन् २०२४–२५ मा विश्व खाद्यान्नको कूल उपयोग बढेर २ अर्ब ८५ करोड ६० टन पुग्ने अनुमान गरिएको छ, । जुन अघिल्लो वर्षको तुलनामा ०.५प्रतिशतले बढेको देखिन्छ ।

विश्व अनाज स्टक २०२५ मा १.३ प्रतिशत विस्तार हुने पूर्वानुमान गरिएको छ । सन् २०२४–२५ मा विश्वव्यापी अनाज स्टक–देखि–प्रयोग अनुपात लगभग अपरिवर्तित ३०.८ प्रतिशतमा अडिग थियो ।

कूल अन्नमा अन्तर्राष्ट्रिय व्यापारको लागि एफएओको पूर्वानुमानमा ५८ करोड १० लाख टनमा अपरिवर्तित रहेकोमा २०२३–२४ बाट ३ प्रतिशत गिरावट देखिएको छ ।