उदयपुर जिल्लाको विभिन्न ठाउँमा बाढी, उद्धार कार्य जारी

सुनौलो नेपाल
बुधबार, २६ असार २०८१

504

उदयपुर जिल्लाको विभिन्न ठाउँमा बाढी, उद्धार कार्य जारी

काठमाडौँ । अविरल वर्षाको कारण उदयपुर जिल्लाको विभिन्न ठाउँ डुवानमा परेका छन् । डुवानमा पर्ने सम्भावित ठाउँहरुमा उद्धार कार्य जारी छ ।

बेलका नगरपालिका–१ भालमन्ती भौडाहास्थित त्रियुगा नदि र भालमन्ती खोलामा पानीको बहाव बढि बस्ती पस्दा डुवानमा परेकाहरुलाई सुरक्षित स्थानमा सारिएको छ ।

सशस्त्र प्रहरी बल र नेपाल प्रहरीको संयुक्त टोली खटिई डुवानमा परेकाहरुको सकुशल उद्धार गरेको हो ।

त्यसैगरी बेलका नगरपालिका–२ स्थित करैया, पुरनदह र मुसहरी बस्तीमा त्रियुगा नदिमा पानीको बहाव बढि बस्तीमा पस्दा डुवानमा परेका करीव २ सय ५० घरपरिवारलाई पनि सुरक्षित स्थानमा सारिएको छ ।

त्यस्तै चौदण्डीगढी नगरपालिका–७ स्थित द्धार खोलामा आएको बाढीले बाँध कटान गरी सो ठाउँको खसी बजार, मदनचोक र बगरकोटमा पस्ने सम्भावना भएपछि नेपाल प्रहरी र स्थानीय वासिन्दाले जाली लगाई बाँध निर्माण गरेको डिएसपी शैलेन्द्र थापाले जानकारी दिए ।