पेरिस,एएफपी । विश्वव्यापी नवीकरणीय स्रोतहरूबाट उत्पादित बिजुलीले सन् २०२५ मा पहिलोपटक कोइलाबाट उत्पादित ऊर्जाको मात्रालाई उछिन्ने भएको छ ।

यो वर्ष र अगामी वर्ष बिजुलीको उत्पादन चार प्रतिशत वृद्धि हुने देखिएको अन्तर्राष्ट्रिय ऊर्जा निकाय (आइइए) ले शुक्रबार उल्लेख गरेको छ ।

“बिजुलीको बढ्दो मागले हाम्रो अर्थतन्त्रमा यसको भूमिका साथै गम्भीर गर्मीको प्रभावलाई प्रतिबिम्बित गर्दछ,” आइइएका ऊर्जा बजार र सुरक्षा निर्देशक केइसुके सदामोरीले भने।

जलविद्युत, सौर्य, हावा र अन्य नवीकरणीय स्रोतबाट आगामी वर्ष विश्वव्यापी आपूर्तिको ३५ प्रतिशत बिजुली उत्पादन गर्ने अनुमान गरिएको छ ।

सन् २०२५ मा सौर्य ऊर्जाले मात्रै विश्वव्यापी मागको आधा बिजुली आपूर्ति गर्ने तयारी गरिएको छ भने हावाबाट थप २५ प्रतिशत बिजुली आपूर्ति गर्ने अपेक्षा गरिएको छ ।

चीन र भारतमा भने बिजुलीको प्रयोग बढ्दै गएको तर कोइलाको प्रयोग घट्ने अपेक्षा नभएको आइइएले जनाएको छ ।

भारतमा बढ्दो गर्मीको लहरले यस वर्ष देशमा बिजुलीको माग आठ प्रतिशत बढ्ने अपेक्षा गरिएको छ । चीनमा छ प्रतिशत बढ्ने अपेक्षा गरिएको छ । युरोपको माग १.७ प्रतिशत बढेको छ । अमेरिकामा गत वर्षको तुलनामा विद्युतको माग ३ प्रतिशत बढ्ने अपेक्षा गरिएको छ ।

“बिजुली मिश्रणमा स्वच्छ ऊर्जाको हिस्सा बढ्दै जानु उत्साहजनक छ, तर अन्तर्राष्ट्रिय ऊर्जा र जलवायु लक्ष्यहरू पूरा गर्न यसको छिटो बृद्धि हुन आवश्यक छ,” सदामोरीले भने ।