सुनौलो नेपाल
काठमाडौं । नेकपा (माओवादी केन्द्र)का सांसद देवेन्द्र पौडेलले एमबिबिएस प्रवेश परीक्षाको नतिजामा त्रुटी गरेर विद्यार्थीको भविष्यलाई धरापमा पार्न खोजिएको भन्दै सरकारको ध्यानाकर्षण गराएका छन् ।
मंगलबार प्रतिनिधि सभा बैठकको आकस्मिक समयमा बोल्दै सांसद पौडेलले चिकित्सा शिक्षा आयोगले लिएको एमबिबिएस प्रवेश परीक्षाको नतिजा सार्वजनिक गर्दा समान अंक प्राप्त गर्ने विद्यार्थीको योग्यताक्रम टाइब्रेकको आधारमा कायम गर्नुपर्ने भएपनि रोल नम्बरका आधारमा गरिएको बताए ।
उनले चिकित्सा शिक्षा आयोग कार्यकारी समिति र एकीकृत प्रवेश परीक्षा समितिले गम्भिर प्रकृतिको गल्ती गरेका बताए । उनले मानविय गल्ती गरेर विद्यार्थीहरुको भविष्यलाई धरापमा पार्न पाइन्छ ? भनि प्रश्न समेत गरे । उनले आयोगले ३ हजार विद्यार्थीको नतिजा भद्रगोल गरेको बताए । उनले नतिजा पारदर्शी बनाउन आग्रह गरे ।
उनले एमबिबिएस मेरिटका आधारमा पढ्न पाउने विद्यार्थीहरुको कोटालाई व्यवस्थित बनाउन सम्बन्धित निकायको ध्यानाकर्षण गराए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
