काठमाडौं । साताको कारोबारको दोस्रो दिन आज सेयर बजारमा दोहोरो अंकको वृद्धि भएको छ । सोमबार सेयर बजार परिसूचक २७ दशमलव ४१ अंकले बढेर २६४५ दशमलव ३६ को विन्दुमा पुगेको छ ।

आज २८ कम्पनीको शेयर मूल्य घटेको छ भने २१३ कम्पनीको मूल्य बढेको छ ।

आज ३०७ कम्पनीका ५८ हजार ५ सय ५२ पटकको कारोबारमा १ करोड ४ लाख १८ हजार ९ सय २६ कित्ता सेयर खरिद बिक्री भएको छ । जसमा कारोबार रकम ५ अर्ब ३४ करोड ४८ लाख रुपैयाँ रहेको छ ।

त्यस्तै, सेन्सेटिभ इन्डेक्स ३ दशमलव २१ अंकले बढ्दा फ्लोट इन्डेक्स १ दशमलव ९४ अंकले बढेको छ । १३ उपसमूहमध्ये सबैमा हरियाली छाउँदा जीवन बीमा सर्वाधिक बढेको छ ।

आज जानकी फाइनान्स र डोल्टी पावर कम्पनीका लगानीकर्ताले १० प्रतिशतका दरले कमाउँदा नेपाल फाइनान्समा सर्वाधिक लगानीकर्ता झुम्मिएका छन् ।

आज पिपुल्स हाइड्रोपावरका लगानीकर्ताले ६ प्रतिशतका दरले गुमाएका छन् ।

सोमबार १३ वटै उपसूचकमा हरियाली आएको छ । यसदिन बैंकिङ समूहको ०.३६ प्रतिशत, विकास बैंक समूहको १.५७ प्रतिशत, फाइनान्स समूहको ३.४६ प्रतिशत, होटल तथा पर्यटन समूहको १.१७ प्रतिशतले शेयर मूल्य बढेको छ ।