पुस १२ काठमाडाैँ, बलिउडमा दबंग खानको पहिचान बनाएका सलमान खानको आइतबार जन्मदिन परेको छ । उनले पनवेलमा रहेको आफ्नो फार्महाउसमा जन्मदिन मनाउने छन् । आफ्नो जादुमय अभिनयले कयौँ दर्शकको मनमा छाप बनाउन सफल अभिनेता सलमान आइतबारदेखि ५५ वर्षका भएका छन् । 

सलमान खान बलिउडमा सल्लू, भाइजान र दबंगको नामले चर्चित छन् । सलमान बाल्यकालदेखि नै निकै चकचके स्वभावका थिए ।

बलिउडका दबंग खान सलमान अभिनेता भन्दा पनि उनी निर्देशक बन्न चाहन्थे । यद्यपी उनको स्टाइलिस लुकका कारण उनलाई सधैँ अभियन गर्न सुझाव आउन थाल्यो । सलमानले १९८८ मा रिलिज भएको फिल्म ‘बीबी हो ते ऐेसी’ मा सहयोगी भूमिका निर्वाह गरेर बलिउडका कदम राखेका थिए ।

उक्त फिल्मपछि उनले सुरज बडजात्याको रोमान्टिक ड्रामा फिल्म मैंने प्यार कियामा अभियन गरे । उक्त फिल्ममार्फत सलमानको निकै राम्रो चर्चा हुन लाथ्यो। यो फिल्म १९८९ को सबै भन्दा धेरै कमाइ गर्ने फिल्म बन्यो । उक्त फिल्ममा सलमानलाई बेस्ट डेब्यू एक्टरको नोमिनेशन पनि मिल्यो ।

ब्लकबस्टर हिट फिल्म मैंने प्यार किया पछि सलमान लगातार बाघी, पत्थर के फूल, सनम बेवफा, कुरबान र साजन, हम साथ साथ हैं, प्यार किया तो डरना क्या, तेरे नाम, करण–अर्जुन, चोरी–चोरी चुपके–चुपके जस्ता कयौं सुपरहिट फिल्ममा काम गरे ।

अभियनको दुनियाँमा रहँदा सलमान आफ्नो प्रेमका कारण पनि निकै चर्चामा रहे । फिल्ममा आउनुपूर्व सलमान र संगीता बिजलानी रिलेशनशिपमा थिए । दुवैबीचको सम्बन्ध करिब दश वर्षसम्म चल्यो । 

यद्यपी १९९६ मा आपसी असमझदारीका कारण उनीहरुको विवाद भने हुन सकेन । त्यसपछि सलमानको कयौं अभिनेत्रीसँग नाम पनि जोडियो । 

सलमान १९९९ को फिल्म हम दिल दे चुके सनममा देखिए जहाँ उनी ऐश्वर्या रायसँग निकै नजिक भए । सलमान ऐश्वर्या रायप्रति निकै सकारात्मक थिए। बेला बेलामा सलमान ऐश्वर्याका सेटमा पनि जाने गर्थे । लगातार आपसी अमझदारी भएपनि ऐश्वर्या सलमानसँग अलग भइन् ।

सलमान १९९९ मा त्यति बेला चर्चामा आए जतिबेला उनी विरुद्ध कालो हरिणको शिकार गरेको मुद्दा दर्ता भयो ।

फिल्म हम साथ साथ है को सुटिङका क्रममा सलमान विवादमा आएका थिए । यो विषयमा सलमानले केही पटक जेल पनि जानुपर्‍यो । त्यस बाहेक सलमान हिट एण्ड रन केसका कारण पनि निकै विवादमा रहे ।

सन् २०१५ मा सलमान खान ५० वर्षका भएका थिए । त्यही साल उनकाे बजरंगी भाइजान निकै राम्राे कमाइ गरेकाे थियाे । 

उनकाे सबैजसाे चलिचत्रले राम्राे ओपनिङ गरिरहेकाे छ । पछिल्लाे समय उनकाे सबैभन्दा कमजाेर मानिएकाे चलचित्र ट्यूबलाइटले पनि १२० कराेड भारतीय रुपैयाँ कमाएकाे थियाे ।