चीना थापा
विराटनगर । नेपाल उद्योग परिसंघ कोशी प्रदेश समितिले रतुवामाई स्थित श्री जनकल्याण छेतन आधारभूत विद्यालयका विद्यार्थीहरुलाई जाडोमा प्रयोग हुने न्यानो कपडा तथा खाद्यान्न वितरण गरेको छ ।
शुक्रबार विद्यालय परिसरमा एक कार्यक्रम गर्दै परिसंघ कोशीले विद्यालयमा अध्यनरत विपन्न आर्थिक अवस्थाको विद्यार्थीहरुलाई कपडा र खाद्यान्न वितरण गरेको हो ।
परिसंघ कोशीका अध्यक्ष पवन कुमार सारडा नेतृत्वको टोलीले विद्यालयमा पुगेर आर्थिक रुपले विपन्न तथा सिमान्तकृत समुदायको बालबालिकालाई कपडा तथा खानेकुरा उपलब्ध गराएको महासंघको महानिर्देशक विजय हरि शर्माले जानकारी दिए ।
उनले विद्यालयमा अध्यनरत १२२ जना विद्यार्थीलाई जाडोमा लगाउने ट्रयाक सुट, टोपी, मोजा, विस्कुट, जुस र सरसफाईका लागि साबुन, सर्फ समेत वितरण गरेको बताए ।
न्यानो कपडा वितरण कार्यक्रममा रतुवामाई नगरपालिका प्रमुख नागेश्वर प्रसाद सिंह, उपप्रमुख दमयन्ता देवी चुडाल, परिसंघ कोशी उपाध्यक्ष गिरिजा सारडा, महिला उद्यम समिति संयोजक रचना राठी लगायतको उपस्थिति रहेको थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
