सुनौलो नेपाल
नेपिदअ । म्यानमारमा सैन्य कदमको विरोधमा मुख्य शहर याङ्गोनलगाएत क्षेत्रमा दशक यताकै ठूला विरोध प्रदर्शनहरु भएका छन् । सैन्य कू को विरोध गर्न लगातार तेस्रो दिन दशौँ हजार मानिसहरू सडकमा उत्रिएर प्रदर्शन गरेका हुन् । मुख्य शहर याङ्गोनमा देशव्यापी हडतालको स्वरूप दिने गरी वकिल, शिक्षक र निजामती कर्मचारीसहित विभिन्न पेसागत समूहहरू भेला भएका अन्तराष्ट्रिय सञ्चारमाध्यमहरुले जनाएका छन् ।
राजधानी नेपिदअमा प्रहरीले प्रदर्शनकारीहरूलाई तितरबितर पार्न पानीको फोहोरा प्रयोग गरे पनि उनीहरूले प्रदर्शन जारी राखेका छन् । प्रदर्शनमा हालसम्म हिंसात्मक घटना भने नभएको बताइएको छ ।
गत जनवरी १ मा म्यानमारको सेनाले आङ साङ सुकी लगाएतका निर्वाचित नेताहरुलाई नियन्त्रणमा लिई संकटकाल घोषणा गरेको थियो । गत नोभेम्बरमा भएको आम निर्वाचनमा ब्यापक धाँदली भएको आधारहीन दाबी गर्दै सेनाले एक वर्षको लागि शासन सत्ता आफ्नो हातमा लिएको थियो ।
उक्त कदमको विश्वब्यापी रुपमा विरोध भएपनि ११ सदस्यीय शासक परिषद् गठन गरेको सेनाले हालसम्म कुनै सार्वजनिक टिप्पणी गरेको छैन।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
