सुनौलो नेपाल
काठमाडौं । नेपाल कम्युनिष्ट पार्टी नेकपा (प्रचण्ड–माधव समूह) ले केन्द्रीय सदस्यहरुको नागरिकतासहित निर्वाचन अयोग जाने तयारी गरेको छ ।
पार्टीको आधिकारिकता बारे आयोगले निर्णय दिइनसकेको अवस्थामा प्रचण्ड–माधव समूहले आफूपक्षीय केन्द्रीय सदस्यलाई नागरिकतासहित आयोगमा उपस्थित गराउने भएको हो । बहुमत केन्द्रीय सदस्यहरु आफ्नो पक्षमा रहेकाले नेकपाको आधिकारिकता आफूहरुले नै पाउनुपर्ने यो समूहले दावी गर्दै आएको छ ।
प्रचण्ड–माधव समूहले त्यसका लागि आफूपक्षीय केन्द्रीय सदस्यलाई नागरिकता लिएर पार्टी कार्यालय पेरिसडाँडामा आज मध्यान्नमा उपस्थित हुन भनेको छ । मध्याह्न १२ बजे पेरिसडाँडामा भेला भएर १ बजे निर्वाचन कार्यालयमा नागरिकतासहित केन्द्रीय सदस्यहरु उपस्थित गराउने प्रचण्ड–माधव पक्षको तयारी छ ।
प्रधानमन्त्री केपी शर्मा ओलीले ५ पुसमा प्रतिनिधिसभा विघटन गरेपछि नेकपा विभाजित भएको छ । यद्यपी यसले कानूनी मान्यता भने पाइसकेको छैन ।
प्रतिनिधिसभा विघटनपछि नेकपा प्रचण्ड–माधव समूह र ओली समूहमा विभाजित भएको छ । दुवै पक्षले पार्टीको आधिकारिकता दाबी गरिरहेका छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
