सुनौलो नेपाल
काठमाडौं। सरकार र विप्लव नेकपाबीच बिहीबार तीन बुँदे सहमति भएर शुक्रबार दिउँसो २ बजे राष्ट्रिय सभागृहमा प्रधानमन्त्ती केपी शर्मा ओली र नेत्रविक्रम चन्द विप्लवले सम्बोधन गर्ने तयारीकै बीच सचिवालय सदस्य धर्मेन्द्र बाँस्तोला रिहा भएका छन्।
काभ्रेका प्रहरी प्रमुख एसपी भुपेन्द्र खत्रीका अनुसार उनलाई जिल्ला प्रहरी कार्यालय काभ्रेले केही समय अगाडि हिरासत मुक्त गरेको हो । ९ दिनदेखि उनलाई आगजनी तथा संगठित अपराधको मुद्दामा काभ्रे प्रहरीको हिरासतमा राखिएको थियो।
जिल्ला प्रहरी कार्यालयले अनुसन्धान सकेर शुक्रबार जिल्ला सरकारी वकिल कार्यालयमा फाइल बुझाए पनि सरकारसँग भएको सहमति अनुसार सरकारी वकिल कार्यालयले मुद्दा नचलाउने निर्णय गरेपछि उनलाई श्रीमतीको जिम्मामा छाडिएको प्रहरीले जनाएको छ ।
दुई वर्षअघि विप्लव नेतृत्वको नेकपालाई प्रतिबन्ध लगाएयता सो समूहका डेढ सय नेता कार्यकर्ता थुनामा छन्। तीमध्ये धेरैजसो आजै छाड्ने तयारी रहेको प्रहरी स्रोतले जनाएको छ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
