मिलाउनु छ अब मैले मेरो, मोदीसँग लेबल ।
बन्छ अब सरकार पनी भारतकै कम्फर्टेबल ।
सुन्न सक्दिन अब म सडकमा, आइ लभ यु के पी ओली ।
कांग्रेस र जसपासँग मिलेर बनाउँछु सरकार भोलि ।

बाँडी चुँडी खाउँ भनेर हाम्रो भाको थ्यो सहमति ।
खान्छ कटक्क मेरा यी मनहरु हेर्दा विकासका गति ।
पेवा झैँ बनायौ कुर्ची छाडेन मलाई पनि ।
नबन्नु है लोकप्रिय भनेर कयौं पटक नै भनि ।

राम्रो बन्नु पर्छ विदेशीहरुसँग हुँदैन बिजाउन ।
मेरो प्रयास रहने छ सधै भरी भारतलाई रिझाउन ।
आफ्नै लागि बाँचेको भए धनी नै हुन्थेँ होला ।
एक कठ्ठा जमिन अनी छन् सम्पति सुन तीन तोला ।

आजसम्म कतै कहिल्यै छैन मैले ढाँटेको।
चुनाव जित्न सिराहामा मत पेटिका साटेको ।
मत पत्र च्यातेर चितवनमा जनताको कदर गरे ।
जिताउन भनेर छोरी मेयरमा चुनाव नै बदर गरे ।

जान्या छैन मैले आजसम्म कोहीसँग हार्न भनि ।
सोझा हुन् की निमुखा कोही छाेडिनँ मार्न पनि ।
लाग्या होला हिजो जंगलमा रोएर आँखा मिचेँ ।
त्यो बेला पनि म बस्थेँ भारतमा उहीबाट रिमोट थिचेँ ।

सडकमै पुर्‍यायाै हामीलाई संसद विघटन गरी ।
धेरै पटक आशा देखायौ तिमीले कुर्चीको घरी घरी ।
अदालत बाट आयो नतिजा हौसल्ला राम्रै पायौँ ।
खुशीको सिमाना रहेन हाम्रो बाँडेर लड्डु खायौँ ।

फाइदा हुन्छ भने मलाई फेर्दिन्छु आफ्नै बोली ।
मुर्ख हुन् की नोपाली जनता भन्छन् राजनेता ओली ।
आयु बढाउदै गयौ म बसिरहेँ तिम्रै मृत्यु पर्खेर ।
लोकप्रियता देखेर ओलीको, यमराज पनि गए फर्केर ।