काठमाडाैं । भारतमा सोमबार १ लाख ६० हजार ६९४ जना नयाँ संक्रमित फेला परेका छन् । पछिल्लाे समय भारतमा दैनिक तीव्र गतिमा काेराेना संक्रमित बढीरहेका छन् । साेमबार ९६ हजार ७२७ जना संक्रमित निको भएका छन् भने ८८० जनाको मृत्यु भएको छ ।
भारतमा अहिलेसम्म कूल संक्रमितको संख्या १ करोड ३७ लाख पुगेको छ । कुल संंक्रमितमध्ये १ करोड २२ लाख निकाे भइसकेका छन् । १ लाख ७१ हजार ८९ जनाले ज्यान गुमाइसकेका छन् ।
संक्रमण तीव्र रुपमा बढ्न थालेपछि विभिन्न शहरहरुमा लकडाउन लागू गरिएको छ । स्वास्थ्य मापदण्ड पालना गर्न पनि आग्रह गरिएको छ ।