मध्य भोटेकोशीको आईपीओ बिक्री स्थगित

सुनौलो नेपाल
बिहिबार, २३ बैशाख २०७८

2.9K

काठमाडाैं । मध्य भोटेकोशी जलविद्युत आयोजनाले सिन्धुपाल्चोकका स्थानीयबासी तथा आयोजना प्रभावितका लागि जारी गरेको आईपीओ बिक्री स्थगित गरिएको छ ।

मध्य भोटेकोशी जलविद्युत आयोजना र बिक्री प्रवन्धक ग्लोवल आईएमई क्यापिटलले संयुक्तरूपमा विज्ञप्ति जारी गरी सेयर बिक्री स्थगित जानकारी दिएकाे हाे ।

कोरोना संक्रमण र स्थानीय तहको पत्रलाई मध्यनजर गर्दै वैशाख २३ देखि लागू हुने गरी परिस्थिति सहज नहुँदासम्मका लागि सेयर निष्कासन स्थगित गरिएको बताइएको छ । परिस्थिति सहज भएपश्चात अर्को सूचना जारी गरी आईपीओलाई निरन्तरता दिइने विज्ञप्तिमा उल्लेख छ ।

काेराेना महामारीकाे बेलमा आईपीओ जारी गरेकाे भनी चर्काे आलाेचना भएपछि जलविद्युत आयोजना र बिक्री प्रवन्धक ग्लोवल आईएमई क्यापिटलले सेयर निष्काशन स्थगित गरेकाे हाे ।

मध्य मध्यभोटेकोशी आयोजना प्रभावितका लागि ३० प्रतिशत अर्थात १८ लाख कित्ता र बाँकी ४२ लाख कित्ता सेयर सिन्धुपाल्चोक जिल्लाका बासिन्दाका लागि १०० रूपैयाँ प्रतिकित्ताका दरले ५० देखि ४०० कित्तासम्म आवेदन गर्न सक्ने गरी निष्कासन गरिएको थियो ।