काठमाडौं । नेकपा एमालेका अध्यक्ष केपी शर्मा ओलीले नेकपा माओवादी केन्द्रका अध्यक्ष पुष्पकमल दाहाल प्रचण्डलाई बिरालोसँग तुलना गर्दै कटाक्ष गरेको छन् । उनले एमालेसँग एक साताभित्र गठबन्धन टुटाउन सक्ने क्षमता रहेको दाबी गर्दै पत्रकार सम्मेलनमा भने, ‘एकैछिनमा होइन । हामीले चाहेमा एक हप्तामा गठबन्धन ढल्छ। त्यसका लागि केही भन्नै पर्दैन ।

बिरालो किन्न पर्दैन भन्ने तपाईंलाई थाहै होला। बिरालोलाई जसले ठूला कचौरामा दूध भात दिन्छ । उसैकहाँ जान्छ । कसैको सवाल जवाफ छैन । बिरालो लिने क्षमता कांग्रेसको भन्दा हाम्रो धेरै छ ।’

निर्वाचन भयरहित वातावरणमा हुनुपर्ने भए पनि गठबन्धनका नेताहरूले आचारसंहिता उल्लंघन गरेर धम्की दिएको आरोप लगाए । प्रचण्डले चितवनको कांग्रेसीले हँसिया हथौडामा भोट नहाले देश दुर्घटनामा जान्ने भनेर जनतालाई थर्काएको उनको भनाइ छ ।