पाँचखपन प्रमुखमा काँग्रेस, उपप्रमुखमा एकीकृत समाजवादी विजयी

सुनौलो नेपाल
मंगलबार, ३ जेष्ठ २०७९

2.9K

काठमाडौं । सङ्खुवासभाको पाँचखपन नगरपालिका प्रमुखमा नेपाली काँग्रेसका विपीन राईले चार हजार ७८८ मतप्राप्त गरी विजयी भएका छन् । उनका निकटतम प्रतिद्वन्द्वी नेकपा (एमाले) का हिन्दूकुमार राईले तीन हजार ४३७ मत ल्याए ।

नवनिर्वाचित राई यसअघिका नगरप्रमुख हुन् । त्यस्तै उपप्रमुखमा नेकपा एकीकृत समाजवादीका सुमुना श्रेष्ठले तीन हजार ८३४ मत विजयी भएकी छन् । उनका निकटतम प्रतिद्वन्द्वी एमालेका अनिता न्यौपानेले तीन हजार ४८७ मत त्याइन् ।

यता जिल्लाको धर्मदेवी नगरपालिका प्रमुखमा एमालेका उदयचन्द्र पौडेल चार हजार २८२ मत प्राप्त गरी विजयी भएका छन् । उनका निकटतम प्रतिद्वन्द्वी काँग्रेसका थलकुमार लिङ्खाले चार हजार १९३ मत ल्याएका छन् । पौडेल यसअघि वडाध्यक्ष थिए ।

उपप्रमुखमा काँग्रेसका तारा महतले चार हजार २३ मत प्राप्त गरी विजयी भएकी छन् । उनका निकटतम प्रतिद्वन्द्वी एमालेका लक्ष्मी गिरीले चार हजार पाँच मत ल्याइन् । यसअघि धर्मदेवी नगरप्रमुख–उपप्रमुख काँग्रेसले जितेको थियो ।