काठमाडौं । सिन्धुपाल्चोकको ईन्द्रावती गाउँपालिका अध्यक्षमा नेकपा एमाले विजयी भएको छ । एमालेकातर्फबाट उम्मेदवार रहेका झम्कनाथ नेपाल विजयी भएका हुन् ।

नेपाल ७१२७ मत सहित विजयी भए । उनका निकटतम प्रतिद्वन्द्वी कांग्रेसका उम्मेदवार विकास लामा ६१५२ मत ल्याएका थिए ।

त्यस्तै, माओवादी केन्द्रका ठूलोबाबु श्रेष्ठले ४१३४ मत ल्याए ।

उपाध्यक्षमा पनि एमालेकै शोभना तामाङ निर्वाचित भएकी छन् । उनले ६५१३ मत ल्याइन् । कांग्रेसकी दयाकुमारी मिश्र ६४६३ मत ल्याउँदै दोस्रो भइन्।

इन्द्रावती गाउँपालिकामा १२ वडा छ । १, ३, ५, ६ र ९ मा एमालेका उम्मेदवार विजयी भएका छन् भने २, ४, ८, १० र ११ मा कांग्रेस र ७ र १२ मा वडा अध्यक्षमा माओवादी केन्द्रले जितेको छ ।

२०७४ सालमा अध्यक्ष र उपाध्यक्ष नेपाली कांग्रेसले जितेको थियो ।

वडा अध्यक्षहरु:

वडा न. १ :  चीन लाल तामाङ (एमाले)

वडा न. २ :  श्याम गिरी (काङ्ग्रेस)

वडा न. ३ :  भिमसेन थापा (एमाले)

वडा न. ४ :  क्षेत्र ब. तामाङ (काङ्ग्रेस)

वडा न. ५ :  शशिनाथ आचार्य (एमाले)

वडा न. ६ :  इन्द्र ब. तामाङ (एमाले)

वडा न. ७ :  रविन्द्र कु. खाती (मा.के)

वडा न. ८ :  डिल ब. श्रेष्ठ (काङ्ग्रेस)

वडा न. ९ :  बाबुराम लामा (एमाले)

वडा न. १० :  राम चन्द्र घिमिरे (काङ्ग्रेस)

वडा न. ११ :  रामजी माझी (काङ्ग्रेस)

वडा न. १२ :  सुरेन्द्र दनुवार (मा.के)