काठमाडौं । गणपति वनस्पति प्रा.ली ले बालबालिकाको गुणस्तरिय उपचारका लागि एक करोड सहयोग गर्ने भएको छ । कम्पनीले डा.भगवान कोइरालाको नेतृत्वमा स्थापित ‘काठमाडौं ईन्स्टिच्युट अफ चाईल्ड हेल्थ’ को लागि एक करोड एघार लाख एघार हजार एक सय एघार रुपैयाँ हस्तान्तरण गरेको हो ।
वनस्पति प्रा.लि ले संस्थागत सामाजिक उत्तरदायित्व बहन अन्तर्गत जेठ ३० गते डा. कोइरालालाई सो रकम बराबरको चेक हस्तान्तरण गरिएको हो ।

अस्पतालका अध्यक्ष डा.भगवान कोइराला, लक्की ग्रुपका अध्यक्ष सतिश कुमार मोर, उपाध्यक्ष श्रवण कुमार मोर तथा राज कुमार मोर, म्यानेजिङ डाइरेक्टर अमित मोर, तथा डाइरेक्टरहरु श्रीमती अनन्ता मोर र राजिब मोरको उपस्थितिमा उक्त चेक हस्तान्तरण गरीयो ।

स्वर्गीय मुरलीधर अग्रवालका सन्ततीद्धारा प्रवर्तीत विभिन्न उद्योग, व्यापार व्यवसाय, बैकिंङ, बिमा, पुर्वाधार विकास लगायतका कम्पनीहरुको नेतृत्व गर्ने गरी लक्की ग्रुपको स्थापना भएको थियो । यहि ग्रुप अन्तर्गतको एक उद्योग गणपती वनस्पती प्रा.ली. हो ।

गणपती वनस्पती प्रा.ली विगत २५ वर्षदेखि संचालनमा रहि देशको अर्थतन्त्रमा टेवा पर्याउदै आएको कम्पनी हो । कम्पनीले संचालनको विभिन्न काल खण्डमा स्वदेश तथा विदेशमा विपद व्यवस्थापन, वैज्ञानिक आविस्कार, विद्यालय, धार्मिक मठ मन्दिर, बाढी पहिरो पिडीत, बिपन्नको उपचार, भौतिक पुर्वाधारको लागि सहयोग गर्दै आएको छ ।