काठमाडौं । नेपाली चलचित्र ‘माइकल अधिकारी’को ट्रेलर सार्वजनिक भएको छ । बुधवार काठमाडौंमा एक कार्यक्रमबीच ट्रेलर सार्वजनिक गरिएको हो । गोपिकृष्ण मुभिजको प्रश्तुतिमा बनेको फिल्म ‘माइकल अधिकारी’ मा सौगात मल्ल र श्रृष्टी श्रेष्ठको मुख्य अभिनय रहेको छ । निरक पौडेल निर्माता रहने गरी उद्धव पौडेलले फिल्म निर्माण गरेका हुन् ।

कार्यक्रममा बोल्दै नायक सौगात मल्लले फिल्म राम्रो भएको बताए । उनले आफ्ना दुवै फिल्म राधा र ‘माइकल अधिकारी’ एकैपटक आउन लागेकोमा दुःख लागेको भएपनि दुवै फिल्म राम्रो रहेको बताए । श्रृष्टी र सौगात सँगै हुँदा एक अर्काको कुरा किन हुँदैन भन्ने रंगपत्रकारको प्रश्नमा उनले श्रृष्टी र आफू सँगै बस्ने भएकोले कुरा नगरेको प्रतिक्रिया दिए । त्यस्तै नायिका श्रेष्ठले फिल्ममा आमा बन्दाको अनुभवले धेरै कुरा सिकाएको बताए । उनले फिल्मकै अभिनयले वास्तविक माया आमाको नै हुने रहेछ भन्ने यथार्थता प्रश्तुत गरेको बताए ।

फिल्ममा नायिका श्रेष्ठ गर्भवती महिलाको अभिनयमा छन् । ‘माइकल अधिकारी’मा आर्थिक अभाव भएपछि कोख भाडामा दिने महिलाको भुमिकामा उनलाई देख्न सकिन्छ । फिल्ममा सौगात र श्रृष्टीसँगै अशान्त शर्मा, लोनिभा तुलाधर, अन्नी कुँवर, हेमन्त बुढाथोकी, विद्या कार्की, जेमिमा टम्स, दीलिप बोहरा, कन्द्र भट्टराईको अभिनय छ । फिल्म आगामी भदौ ३ गते रिलिज हुनेछ ।