सुनौलो नेपाल
काठमाडौं । पूर्व अर्थमन्त्री जनार्दन शर्मामाथि संसदीय विशेष छानबिन समितिले तयार गरेको प्रतिवेदन आजै प्रतिनिधि सभामा पेश हुने भएको छ। चालू आर्थिक वर्षको बजेट निर्माणका क्रममा अनधिकृत व्यक्तिलाई संलग्न गराएको आरोप लागेपछि प्रतिनिधि सभाले संसदीय विशेष छानबिन समिति गठन गरेको थियो। समिति गठन गरिएसँगै शर्माले अर्थमन्त्रीबाट राजीनामा दिएका थिए।
संसदीय समितिले आज सभामुख अग्निप्रसाद सापकोटालाई छानबिन प्रतिवेदन बुझाउन लागेको छ। आज दिउँसो ३ बजे सभामुखलाई प्रतिवेदन बुझाउने समय तय भएको संसदीय समितिका सदस्य–सचिव सुरेन्द्र अर्यालले जानकारी दिए।
संसदीय समितिको प्रतिवेदन आजै प्रतिनिधि सभामा प्रस्तुत गर्ने सभामुख सापकोटाको तयारी छ। यसका लागि सभामुख सापकोटाले प्रतिनिधि सभाको बैठक स्थगन गरेका छन्। प्रतिनिधि सभाको बैठक आज बिहान ११ बजेदेखि शुरू भएको थियो। सभामुख सापकोटाले भर्खरै बैठक स्थगन गरी अर्को बैठक अपराह्न ३ बजे बस्ने जानकारी गराएका छन्।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
