काठमाडौं । गृहमन्त्री बालकृष्ण खाँणले बुटवल अन्तर्राष्ट्रिय सम्मेलन केन्द्रको उद्घाटनसँगै विकासमा बुटवल देशको विकासको आधारशिला भएको प्रमाणित भएको बताए । राज्यले गरेको लगानीलाई प्रतिफलमुखी बनाउन सम्मेलन केन्द्रलाई अधिकतम प्रयोग गर्नुुपर्ने उनले बताए । “म यहाँ उपस्थित उद्योगी, व्यवसायी, संघसंस्थाका प्रतिनिधिहरूलाई आग्रह गर्न चाहन्छुु, यो सम्मेलन केन्द्रको अत्यधिक उपयोग गरौं”, गृहमन्त्री खाँणले भने । उनले हरेक दिन तीन लाखका दरले कार्यक्रम गर्नेगरी सञ्चालनको मोडालिटी बनाउन आग्रह गरे ।

उनले सरकारले रुपन्देहीको विकासँग देशलाई जोड्ने गरी पूर्वाधार विकास गरेको बताए । धादिङ र चितवनमा सुरुङमार्ग बनाएर रसुवा र बेलहियालाई जोड्ने गरी सडक निर्माणका लागि सरकारले योजना अघि सारेको मन्त्री खाँडको भनाइ छ । उनले सिद्धबाबामा सुुरुङ मार्ग निर्माणको काम सुरु भएकाले बुटवललाई सुरक्षित सहरका रुपमा विकास गर्ने बताए ।

मोतीपुर औद्योगिक क्षेत्रमा स्थानीय नागरिकलाई विस्थापित हुन नदिने गरी औद्योगिक क्षेत्रको निर्माण गर्न सरकारले प्रयत्न गरेको गृहमन्त्री खाँणले बताए । उनले अस्थायी रुपमा बसेकालाई स्थायित्व कसरी गराउने भनेर भूूमि आयोगमार्फत प्रक्रिया सुरु भइसकेको बताए । ख